بسالك كييف نتقابل ؟؟

اهليييييييييييين
بسألك كيف نتقابل دامنا ليل ونهار
لو تقابلنا تموت الناس وتقوم القيامه
كيف وإحنا بالتناقض قلب ثلج وقلب نار
قلب ماعنده هيام وقلب ميت من هيامه
النصيب اللي جمعنا عاد واللي صار صار
ماعلى قلبي ملام ولا على قلبك ملامه
لكن اسف واقبل مني رسالة اعتذار
ظرف حب وفيه وردتين وبين طياته حمامه
عله اخر مايكون من الوله والانتظار
وعل ما تبقى تحت جفني من الفرقا علامه
دام ماللحب عندك اي قيمه واعتبار
ليش عذبت خفوقي واستغليت غرامه
ليش ماكنت معي بالحب في نفس المسار
قبل أعيش ايام موت القلب والام انقسامه
جيت وعيوني هدايا شوق واحلامي كبار
ورحت اتحمل مامعاي من الهموم الا عظامه
من عرفتك والاماني طايره والنوم طار
منطوي والبال يشرب وحشه الليل وظلامه
اعترف لك كنت احبك حب حتى الانتحار
كنت احس بضعف قلبي لا سمعتك وانهزامه
لين شفت ان الفراق احيان مامنه فرار
قلت افارقك واموت ولا اعيش بلا كرامه
والا انا والله قبلك ما عرفت الانهيار
لين شفت بموق عيني نار دمعة وابتسامه
لو خذلت حب قلبي واعتبرته انتصار
ما خذلت راسي اللي ما خضع للوقت هامه
بالغلا ما عاد يجمع بيننا درب ومدار
كوكبين وكل كوكب له مداه وله نظامه
بعد ماقلت اتركني واتخذت اصعب قرار
مستحيل ارجع وانا بنت ابوي وما ينزل مقامه
خذ اخر ما بقى لك في شفاهي باختصار
روح بحفظ الكريم وغادر ((مع السلامه))
وان خذيت غربه الفرقا لمستشفى مرار
قلت عاشق طار عقله ما تراجع عن كلامه
يوم شاف الليل لا يمكن يقابله النهار
قلت روح والوعد يوم القيامه......


ااانتظر ردودكم